Mali bè dumuni na...Le Mali mange...
– bamanankan na (en bambara) :
Mali la, dumuni bè kè tile kònò sinyè saba. Nka, o se tè Maliden caman ye. Mògò minw bè dumuni kè sinyè kelen dòròn tile kònò, olu de ka ca. Fana saba minw bè dun tile kònò, olu tògò ye : daraka, tileròfana ani suròfana. Dumuni fòlò bè wele daraka ; o bè kè sògòma fè. Dumuni filanan, n’o ye tileròfana, o bè dun tilegan de fè. Tile dumuni sabanan bè kè ni fitiri kòfè. O bè wele suròfana.
Komin mògòw ka sòrò tè kelen ye, u ka dumuni kèta fana tè se ka kè kelen ye. Sègènbaatòw ka daraka ye seri jè wala tosira ye. Se dòònin bè mògò minw ye, olu bè mòni wala seri min, nka sukaro, nònò kumu ni fèènè bè kè olu ta la. Dòw bè sagasen wala misisen ni ngòmi wala furufuru de dun daraka la. Nbuuru de ka di tubabulamògòw ye. Sògòma joona fè, olu b’u ka baarakèden ye. Sògòma joona fè, olu b’u ka baaraden bila ka taa nbuuru kalanman san. Olu bè nbuuru cèci, ka nare k’a la, k’a dun. N’o man di mògò minw ye, olu bè shèfan jiran, k’o ni nbuuru dun. U bè tila ka dite wala kafe min o kan. Denmisènw bè nbuuru de tigètigè, k’o kè nònò goniman na, k’o dun.
Mali la, kini de bè kè mògò caman ka tileròfana ye. Midi waati kònò, Bamakò faama n’a sègènbaatòw bèe bè kini de dun. Nka, naw de b’u ka dumuniw bò nyògòn na. Faamaw ka na tobilen bè a sòrò o falen be sogo wala jègè kènè ni nakòfènw na. K’a sòrò, sègènbaatòw ka na tobilen tè foyi wèrè ni sogo piripara, furu wala jègè jalen tè. Olu bè mèèn k’a sòrò u ma sogo nyuman da u nèn kan.
Tileròfana dumunen kò, mògò caman bè dite wuli, k’o min : dite in bè wuli sinyè saba. A wuliko fòlò ka kuna iko jalaji, filanan ka timi dòònin, sabanan kòni ye sukaroji yèrèyèrè de ye. O de kosòn, a bè fò Mali la ko dite wuliko fòlò ye cèw ta ye, filanan ye musow ta ye, sabanan ye denmisènw ta ye. Mali la, ni barokèlaw man kan ka taa so k’a sòrò u man dite wuliko sabanan min.
Su fè, dubakònòmògò caman bè to ni ganna, wala basi ni nyuguna de dun. Nka, tubabulamògòw ni waritigiw bè se ka salati ni sogo jeninen, wala shè jirannen ni komitèrè kè suròfana ye. Mògò wèrè bè ku wala woso balabala, k’o ni salati dun.
Maliden caman b’u sigi bilèli kan, dugu ma, ka dumuni kè u bolo la. Kini ni na bè kè tasaw de kònò, k’u sigi. Ni dumuni sigira, mògò min ka kòrò ni bèè ye, o de bè na kè kini kan. Ale fòlò de b’a tègè bila dumuni na fana. Denmisènw bè kinitasa da minè. Olu man kan ka baro kè dumuni kun na fana. Tubabulamògòw bè dumuni kè tabali de la. Olu bè dumuni k’u kun asèti de kònò. U ka dumunikèminènw ye furusèti, muru ni kutu de ye.
Mali la, musow de bè tobili kè. Olu de bè dumuni sigi, ka dumunikèminènw cè fana. Cèw man kan ka don gabugu kònò yèrè.
– en français (tubabukan na) :
Au Mali, on mange trois fois par jour. Mais beaucoup de Maliens n’en ont pas les moyens. Ceux qui ne mangent qu’une seule fois par jour sont nombreux. Les trois repas s’appellent : petit déjeuner, déjeuner et dîner. Le premier repas s’appelle petit déjeuner, pris le bon matin. Le déjeuner, qui est le deuxième repas, se prend entre midi et 14 heures. Le troisième repas de la journée se prend après le crépuscule. Il se dit dîner.
Puisque les Maliens ne gagnent pas la même chose, les repas aussi ne peuvent pas être les mêmes. Le petit déjeuner des pauvres est une bouillie simple ou du
tô de la veille. Les gens qui ont un peu de moyens, boivent de la bouillie à grumeaux ou de la bouillie, mais la rehausse avec du sucre, du lait caillié ou avec de la crème de lait. Autres mangent au petit déjeuner des pattes de mouton ou de bœuf avec des galettes ou des petites galettes cuites avec beaucoup d’huile. Mais c’est le pain que les Occidentalisés aiment. De bon matin, leur serviteur est envoyé acheter du pain chaud. Ensuite les gens prennent du thé ou du café. Les enfants découpent le pain en petits merceaux, le trempent dans du lait chaud et le mangent.
Au Mali, c’est le riz qui sert de déjeuner à beaucoup de personnes. Autour de midi, les fortunés et les pauvres de Bamako mangent tous du riz. Mais ce sont les sauces qui différencient ces repas. La sauce cuite pour les fortunés est pleine de viande ou de poisson frais avec des légumes. Cependant, la sauce des pauvres ne se compose que de la viande de nulle valeur, de la panse et du poisson séché. Ils restent longtemps sans manger de la bonne viande.
Après le repas de midi, beaucoup de personnes font du thé et le boivent : on le fait cuire trois fois. La première infusion est amère comme du jus d’acacia, la deuxième est un peu sucrée, en ce qui est la troisième, c’est de la vraie eau sucrée. C’est la raison pour laquelle on dit au Mali que la première infusion « thé » est pour les hommes, la deuxième pour les femmes et la troisième pour les enfants. Quand on reçoit des visiteurs au Mali, on peut faire du thé pour eux. Mais ils ne doivent plus quitter la maison tant qu’ils n’ont pas bu la troisième infusion.
La nuit, les gens des grandes familles mangent du
tô avec une sauce-gombo ou du couscous avec une sauce de feuilles. Mais les familles occidentalisées et les riches mangent au dîner de la viande grillée au feu de bois et de la salade, ou du poulet frit avec de la pomme de terre. D’autres font cuire de l’igname ou de la patate et les mangent avec de la salade.
Beaucoup de Maliens s’asseyent sur une natte par terre et mangent à la main. On sert le riz et la sauce dans des terrines. En servant le repas, c’est la personne la plus âgée qui met la sauce sur le riz. De surcroît, elle est la première qui met la main dans le plat. Les enfants doivent tenir le rebord de la terrine. Ils ne doivent pas s’entretenir aussi pendant les repas. Les Maliens occidentalisés mangent à table. Eux se servent dans des assiettes. Comme couvert, ils ont des fourchettes, des couteaux et des cuillers.
Au Mali, ce sont les femmes qui font la cuisine, qui servent le repas, et qui ramassent les plats. Les hommes ne doivent même pas entrer dans la cuisine....
+++++++++++++++++++++
Ka sèbènkalan nisòndiya ! Bonne lecture !
